Wednesday, November 7, 2018

நான் உன் நிழல் அல்ல


உன்னுடன் இணையாக நடத்தி 
அழைத்துச் செல்வாய் என்று நம்பியே 
உன்னுடன் வர உடன்பட்டேன். 
ஆனால் உனக்கு வேண்டியது 
உன்னை விசுவாசமாய் 
வாலை ஆட்டிக் கொண்டு
பின்தொடரும் நாய்க்குட்டி என்று
இப்போது அறிந்து கொண்டேன்.
உனது சுயரூபங்கள்
ஆண் என்கிற பாரம்பரியத்தின்
கரைக்க முடியாத எச்சங்கள் என்று
தெளிவாகிற போது
என் சுயம் என்னைக் கைகொட்டிக்
கேலி செய்கிறது.
ஆனாலும் என்ன செய்ய?
நீ எதிர்பார்க்கிற மாதிரி நான்
உன் நிழல் அல்ல.
ஏனென்றால்
எனக்கென்று சொந்தமாக ஓர்
உடம்பு இருக்கிறது.

No comments:

Post a Comment